★4.6(7)7k views
Chords in this song9
Verse 1
Des Auto is gelb und die Kaktus san staubig,
Die Fraun die schaun aus ois wia di Rabn,
Ganz, ganz in schwoaz, die Gschroppen stampern
Und zuaschaun und beten tan beim grobn
Ois in dem Kaff do is ollawei staubig
Do knirschst mit die Zähnt, sogar wannst saufst
Die Sunn reisst da's Hirn o, und am Himmel do steht scho
Drei Tog a Wolkn wia annagschrauft
Instrumental
Verse 2
Es schaut ganz schlecht aus, dass i do wegkumm
Owa i siech guat am Friedhof neben die Gleis
Zug kummt do kana, mei Wagn is in der Werkstatt
Und in Chef hams heit eigrabn, grad wie mir z'Fleiss
Irgendwie hot do kana an Namen
Und hot er an, dann is er net echt
Und alle hams Angst, Angst vor früher
I zöh die Kreiz und i denk ma "mit Recht"
Pre-Chorus
Wos do so rennt, kenn i nur ausn Kino
wias ausgeht, hob i oft gnua gseng
So Leit wia i rennan leicht wem ins Messer
Oder kriagn sunst a gröberes Problem, drum trink i
Chorus
No an Tequilla Sunrise
No an Tequilla Sunrise (bevor der Nächste ummasteht)
No an Tequilla Sunrise
Bevor des letzte Moi die Sunn aufgeht, die Sunn aufgeht
Instrumental
Verse 3
Mi tuat a jeda do gastfreundlich griassen
Und lacht mit die Goldzähnt und sagt wia mei Wirt
"Ich nix verstehen, ich leider auch nix wissen"
Versteh dua i a nix, oba i wass, wos do Nacht für Nacht passiert
No ana redt nix und tuat ganz vü bliaten
Weu si die Kugel von an Profi selten irrt
No ana beisst in Sand und frisst sei Zungan
Weu do von wem sehr gründlich g'arbeit wird
Pre-Chorus
Wos do so rennt, kenn i scho ausn Kino
Nur durt is ois net so echt
So Leit wia i finden si Freund und Höfa
Owa do fürcht i kummans nimma z'Recht, kummans nimma z'Recht
Chorus
No an Tequilla Sunrise (bevor der Nächste ummasteht)
No an Tequilla Sunrise (bevor der Nächste ummasteht)
No an Tequilla Sunrise
Bevor des letzte Moi die Sunn aufgeht, die Sunn aufgeht
Solo
Verse 4
Die Nacht die is zach und wü anfoch net aufhern
Mit ihrer Hitz, mit ihren ganzen Gschra
I wü ois nur draman, bin do nur durchg'fahrn
Hob do kan Durscht kriagt, der Tank wor net la
I lieg do und schwitz, schwitz net nur wegn der Hitz do
Horch auf die Ratzn, es gibt sunst kane Gäst
I prack noch die Fliegn, die wos gross wern wia Spatzn
Und wart, dass der Film reisst, des dasporat ma n'Rest
Pre-Chorus
Wos do so rennt, kenn i scho ausn Kino
Nur durt is noch zwa Stund vorbei
So Leit wia i habn no amoi a Glück ghobt
Owa wia i des siech könnt' des do anders sei, könnt' des do anders sei
Chorus
No an Tequilla Sunrise (bevor der Nächste ummasteht)
No an Tequilla Sunrise (bevor der Nächste sterbn geht)
No an Tequilla Sunrise (bevor der Nächste a Bangl reißt)
No an Tequilla Sunrise (bevor der Nächste ummasteht)
No an Tequilla Sunrise
Bevor des letzte Moi die Sunn aufgeht, die Sunn aufgeht
Comments
Spotted a wrong chord, or know a capo position that sounds closer to the record?
Sign in to join the conversation.
No comments yet. If you play this one, say what works.
Play next with the same chords
See all →These need nothing beyond C, G, D, F, Em, G7, Am7, G/B, Am.
