★4.8(6)988 views
2 versions
Chords2
Chords in this song4
capo 1 — sounds a semitone higherIntro
Verse 1
Mirk and rainy is the nicht
there's no' a staurn in a' the carry
lightnings gleam athwart the lift
and winds drive on wi' winter's fury
Chorus
O, are ye sleepin' Maggie
o, are ye sleepin' Maggie
let me in for loud the linn
is roarin' ower the warlock craigie
Verse 2
Fearfu' soughs the boortree bank
the rifted wood roars wild and dreary
loud the iron yett does clank
and cry of howlets mak's me eerie
Chorus
O, are ye sleepin' Maggie
o, are ye sleepin' Maggie
let me in for loud the linn
is roarin' ower the warlock craigie
Verse 3
Abune my breath I daurna speak
for fear I wake your waukrife daddie
cauld's the blast upon my cheek
arise, arise my bonnie lady
Chorus
O, are ye sleepin' Maggie
o, are ye sleepin' Maggie
let me in for loud the linn
is roarin' ower the warlock craigie
Verse 4
She oped the door, she let him in
he cuist aside his dreepin' plaidie
"Blaw yer warst, ye rain and win'
since Maggie noo I'm in aside ye"
Chorus
Noo, since ye're wauken Maggie
noo, since ye're wauken Maggie
what care I for howlets' cry
for boortree bank or warlock craigie?
Comments
Spotted a wrong chord, or know a capo position that sounds closer to the record?
Sign in to join the conversation.
No comments yet. If you play this one, say what works.
Play next with the same chords
See all →These need nothing beyond Em, D, C, G.
