★4.8(218)161k views
3 versions
Chords2
Tab1
Chords in this song7
Intro
| Em7 D | C |
Verse 1
Verdamp lang her, dat ich fast alles ähnz nohm
Verdamp lang her, dat ich ahn jet jegläuv
un dann dae Schock, wie't anders op mich zokohm
merkwürdich, wo su manche Haas langloof
nit resigniert, nur reichlich desillusioniert,
e beßje jet hann ich kapiert.
Verse 2
Wer alles, wenn dir't klapp, hinger dir herrennt,
ding Schulder klopp, wer dich nit al hofiert
sich ohne ruut ze wedde dinge Frond nennt,
un dich daachs drop janz einfach ignoriert
Et ess lang her, dat ich vuur sujet ratlos stund
un vuur Enttäuschung echt nit mieh kunnt.
Verse 3
Ich weiß noch, wie ich nur dovun jedräump hann
wovunn ich nit woß, wie jet sooke sollt,
vuur lauter Sookerei et Finge jlatt versäump hann
un ovverhaup, wat ich wo finge wollt
Ne Kopp voll Nix, nur die paar instinktive Tricks
et duhrt lang, besste dich durchblicks.
Verse 4
Dat woor die Zick, wo ich noch nit ens Pech hat
noch nit ens dat, ich hatte nit ens satt
He woor John Steinbeck, do stund Joseph Conrad,
dozwesche ich - nur relativ Schachmatt
't ess paar Johr her, doch die Erinnerung fällt nit schwer
huck kutt mer vuur, als wenn et Jestern woor.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verse 5
Froochs mich, wann ich zoletz e Bild jemolht hann,
ob mir e Leed tatsächlich jetz jenusch,
ob ich jetz do benn, wo ich hinjewollt hann,
ob mir ming Färv op die Tour nit verdrüsch
Ich gläuv, ich weiß, ob de nu laut mohls oder leis
't kutt nur drop ahn, dat do et deis.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verse 6
Verdamp lang her, dat ich bei Dir am Grab woor.
Verdamp lang her, dat mer jesprochen han,
Un dat vom eine och jetz beim andre ankommt.
So lang, dat ich mich kaum erinnre kann.
Häss fess jejläuv dat wer im Himmel op Dich waat.
Ich jönn' et Dir hann ich gesaat.
Chorus
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Verdamp lang her, verdamp lang, verdamp lang her,
Verdamp lang her, verdamp lang, verdamp lang her.
Comments
Spotted a wrong chord, or know a capo position that sounds closer to the record?
Sign in to join the conversation.
No comments yet. If you play this one, say what works.
Play next with the same chords
See all →These need nothing beyond Dm, C, Bb, Gm, Am, F.
